Syr Media akademiasy-ның бүгінгі сабағында "Grand master" бағдарламалау мектебінің негізін қалаушы және жетекшісі Алмат Қуанышбаевтың "ақпарат заманында жаңа технологияларды игеру" атты дәріс өтті.

"Ақмешіт жастары", "Ақмешіт апталығы" және аудандық "Тіршілік тынысы", "Қазалы", "Жалағаш жаршысы", "Өскен өңір", "Жаңақорған тынысы", "Толқын", "Қармақшы таңы" газеттерінің тілшілері сайт жұмысының қалай жүргізілуі керектігі жөнінде тың ақпараттар алды. Онда интернет әлемінде алдағы онжылдықта болуы мүмкін медиажаңалықтар қамтылды. Болашақта сайтқа қандай ақпараттар салыну керек, рейтенгті қалай көтеруге болады, сайт дизайны мен құрылымын өзгертуге байланысты бағыт-бағдар берілді. Сайт оқылымын арттыру үшін жас аралығын зерттеу, әлем елдерінің ақпараттарын сараптай отырып, солардан үлгі алу керектігі жөнінде ұсыныс-пікірлер айтылды.