Жастарды жігерлендірді
Елбасының биылғы «Төртінші өнеркәсіптік революция жағдайындағы дамудың жаңа мүмкіндіктері» атты Жолдауынан туындаған міндеттерді жүзеге асыру мақсатында химия-биология бағытындағы Назарбаев интелектуалдық мектебінде Жастар ресурстық орталығының ұйымдастыруымен «Индустрияландыру – жаңа технологияларды енгізудің көшбасшысы» атты тақырыпта семинар өтті.
Семинарда «GRAND MASTER» бағдарлау мектебінің директоры Алмат Қуанышбаев «Төртінші өндірістік революция» тақырыбында және Қорқыт ата атындағы Қызылорда мемлекеттік университетінің мұғалімі, инструктор және компьютер технологы Нұрсұлтан Болатбаевтың «Модернизацияның негізі – адам капиталы» тақырыбында баяндама жасады. Шараға қаламыздағы №3, 15 мектеп-лицейінің және №2 мұрагер мектебінің оқушылары қатысып, пікірлерін ортаға салды.
