Тоқты
Маңызды шешім қабылдамас бұрын ол жөнінде мол ақпарат жинап алған дұрыс. Асығыс жасалған тәуекелден беделіңізге нұқсан келуі ықтимал. Тәкаппарлыққа бой алдырмай, өз-өзіңізге есеп беріңіз. Мансаптық жолда беймаза ойлардан арылыңыз. Адам не ойласа, сол болады.
Торпақ
Апта жұмысқа қатысты жайды оңынан шешуге қолайлы болмақ. Сабыр сақтап, өзіңізге деген сенімділікті жоғалтпасаңыз бәрі жақсы болады. Достарыңызбен түсініспеушілік орнаса да, соңы жақсы аяқталады.
Егіз
Өзіңізді дамыту жолында сәттілік күтіп тұр. Күш-қуатыңызды, жігеріңізді жаныған жөн. Маңызды кездесу жақсылыққа жол ашады. Жеке өміріңізде үлкен өзгеріс орын алғалы тұр.
Шаян
Жаңа таныстықпен қатар шығармашылық байланысқа да қолайлы сәт туды. Достарыңыздың да жағдайын біліп қоюды естен шығармаңыз. Қиялыңыз бен ойыңыз шынайы өмірден бір табан алыстатып жіберуі мүмкін. Уақыт өте келе бәрі орнына келеді.
Арыстан
Отбасылық қиындықта барлығы сізден көмек сұрайды. Ешкімнің көңілін қалдырмаймын деп жүріп, өз істеріңіз кейінге қалып қоюы мүмкін. Ештеңе етпейді, оны ойлап көңіл түсірмеңіз. Біреуге жасаған жақсылығыңыз бүгін болмаса ертең еселеніп қайтатынын естен шығармаңыз.
Бикеш
Қаражатыңызды жоспарлап, орнымен жұмсауға талпыныңыз. Оңды-солды ақша шашып, мол шығынға кенелсеңіз, арты жақсылыққа апармайды. Қызығушылығыңызды да ақылмен, оймен іске асырасыз. Айналаңыздағылар жоғары түсіністік танытады.
Таразы
Бұрын ата-анаңыз, туыстарыңыз қарсы болған істі енді қолға алып, жүзеге асыруыңыз мүмкін. Әсіресе, ата-анасымен бірге тұратын, үлкендер сөзінен аттамайтын жастар жағына қатысты осылай деуге болады. Тәуекелге бармас бұрын ой-санаңызды іске қосып, жақсылап ойланыңыз.
Сарышаян
Сыртыңыздан өсек-аяң жүруі мүмкін. Ол өзіңіз не туыстарыңыз жайлы болуы ықтимал. Қаңқу сөз көбіне жақсы адам жөнінде айтылатынын ұмытпаңыз. Сол себепті іші тарлардың қармағына түсіп қалғыңыз келмесе, өтірік шыны аралас жағымсыз пікірді еш елемеңіз.
Мерген
Сіз үшін жаңа идеялар мезеті. Бір минутты да босқа өткізбеуге тырысыңыз. Өзіңізді жан-жақты жетілдіруге таптырмас кезең. Жақсы адамдармен танысуыңыз мүмкін. Мұндай таныстық өзіңіздің орныңызды табуға көмектеседі.