Қазақ қыздарының белсенділігі, қоғам өміріндегі биік орны бізді қызықтырады. Мейлі әлемде, мейлі елімізде болсын, оларды құптап, тілеулес болуға ниеттіміз. Перизатты да  сондай саңлақ топтан санаймыз. Қызылорда қаласындағы Қ.Мұхамеджанов атындағы 1 мектеп-гимназияны алтын белгіге бітіріп, мемлекеттік грантпен оқыған замандасымыздың зейінді қабілетін бүгін тағы таныдық. Ол «Миллион кімге бұйырады?» жобасында қызмет етеді. Қандай қызмет десеңші, қатысушылар үшін сауал дайындау тобында еңбек етеді. Жалпы, білімді қызды текке қабылдамағаны, одан үлкен үміт күтетіні белгілі шығар. Перизат сол сенімнен шығып келеді. Ендеше  бүгінгі сұхбатта оның ойын  білуге тырыстық.

– Әрине, барлығы өз қалпында сақталмайды ғой. Уақыт өте өзгеріске ұшыраймыз. Сондықтан бұрынғысынан айырмашылық бар.  Бұрындары ойымызда тек оқу болса, бүгінде ойлау қабілетіміз кеңейді.

– Негізінде "Миллион кімге бұйырады?" бағдарламасын түсіріп, телеарнаға ұсынатын продакшн бар. Сол продакшнда қызмет етіп келе жатқаныма 3 жылға жуық уақыт болыпты. Ұлттық арнадан көрсетілген "Қызық екен" бағдарламасын білетін боларсыз. Осы өнімді көрерменге  біздің ұжым ұсынды. Байқасаңыз, "Қызық екен де" интелектуалдық сайыстардан тұрады. Сонда сауал дайындайтын команда қалыптасты. Кейіннен 12 жыл үзіліп қалған "Миллион кімге бұйырады?" ғұмырын қайта бастайды деген жаңалық пайда болды. Көрермен асыға күтетін бағдарламаны түсіру, дайындауды біздің продакшн қолға алды. Сұрақ дайындауда азды көпті тәжірибеміз болған соң командамен жиылып осында келдік. 

– Жалпы бағдарлама әлемдік деңгейде болған соң сұрақтардың шеңбері елімізбен шектелмеуі тиіс. Бір қызық айтайын. Ұжымда менен өзгесінің барлығы Қазақстанға қатысты сауалдарды көргісі келеді. Дегенмен пропорция сақталуы тиіс. Иә, елге қатыстысы да қалыс қалып жатқан жоқ. Мысалы, алғашқы бестікте міндетті түрде ел тарихынан, салт-дәстүр, батырлар жыры,  ақын-жазушылардың шығармаларынан бір сұрақ міндетті түрде болады. Көбіне қатысушылар шетелдік сауалдарға қарағанда елге қатыстысынан жаңылып жатады.

– Бастапқыда ұтыс сомасы аз болды. Дей тұрғанмен бірте-бірте 300 мың, 600 мың ұтқан ойыншылар көбейді. Жаңа жылдық түсірілімде алматылық Ғайса Қалымбет биылғы жаңалық болды. Ол 13 сұраққа дейін мүдірмей жауап беріп 2.500.000 теңгені қанжығасына байлады. Қатысушыға 14 сұрақта 1929 жылы "Үздік фильм" аталымы бойынша  алғашқы Оскор жүлдесін жеңіп алған фильм қандай деген сауалы қойылды. Ғайса тәуекелден бас тартып, ойынды тоқтатты. Бірақ оның "қанаттылар" деп таңдаған жауабы негізінде дұрыс болатын. Мұнан кейінгі шығарылымда  1 250 000 ұтқан қатысушымыз да болды.

– Бағдарламаға қызылордалықтардың қызығушылығын қалай бағалайсыз?

– Тек Қызылордалықтар емес барша қазақстандықтардың  жобаға қатысуға ынтасы зор. Мұны sms, әлеуметтік желі арқылы келген өтініштерден айқын аңғаруымызға болады. Жалпы Сыр елінен келіп, қатысқандарды да жиі байқаймыз. Әсіресе Қазалы, Жаңақорған жастарының қызығушылығы басым. Осы орайда айта кетейін, «Миллион кімге бұйырады?» бағдарламасы білімді азаматтардың миллионер атануына ықпал етіп қана қоймайды, көрерменнің ой-өрісін дамытуға ықпал етеді. Теледидар алдында отырған көрермен сұраққа жауап беру арқылы білім деңгейін тексеріп көреді, ал мектеп оқушылары мен студенттер бұрын соңды білмеген ақпаратқа қанық болады. Мақсатымыз – ойыншылардың білім деңгейін тексеріп көру ғана емес, әр көрерменнің зияткер болуына атсалысу.

– Біздің бөлімде менен бөлек 7 адам қызмет атқарады. Үлкен ұжымбыз. 40-қа жуық  қызметкер бағдарламаның абыройлы және сәтті шығуына атсалысады. Барлығы өз ісінің маманы. Басым бөлігі – телеарнада тәжірибесі толысқан мамандар.

– Екеуін де қолданамыз. Дегенмен көбіне ғаламтор арқылы дайындалады. Кейде жауаптың бірнеше түрі пайда болса, онда міндетті түрде үлкен кітапханалардан ізденеміз.

    – Бүгінде әрбір ата-ана қыз-ұл деп бөліп-жармай оқытады, ұрпағының келешегі үшін барын салады. Осындай үкілеген үмітті ақтау қыз баланың да парызы. Әйел толық бақытты берекелі отбасының түтінін түтетіп, сәби сүйгенде сезінетіні белгілі. Бойжеткендер білім алумен қатар тұрмыс құруды естен шығармаса өмір жолында ұтылмайтыны анық. Бірақ біреуге ерте, біреуге кеш. Бәрі маңдайға жазылған тағдырға байланысты. Жоғары оқу орнында оқып, диплом алу болашаққа салынған инвестиция секілді. Парасатты, білімді, жұмысы мен отбасылық тірлікті қатар алып жүрген нәзік жандардың қашанда мерейі үстем. Қазіргі заманда оқу оқып жарытпаған не бір саланың маманы бола алмаған отанасы ұрпағына да үлгі бола алмайды. Иә, бұл «Өзің диуанасың кімге пір боласың» дегендей жағдай. Сол үшін қыз баланың бүгінгі міндеті – қоғамға пайдалы азамат, ұрпағына – өнегелі ана болу.

− Менің күнделікті өзіме қоятын сұрағым: өмір жолында қаншалықты адаспай келе жатырмын? Ал осы бір сұрақтан мың сұрақ туындайтыны белгілі. Кез келген ата-ана баласының жаман болғанын қаламайды. Болашақта мен де ата-анам берген тәрбие жолында ол кісілерге сөз келмейтіндей жақсы келін атансам деп армандаймын