Жаңа достармен танысқаннан кейін міндетті түрде оның қай мектепте оқитынын сұраймыз. Содан кейін мені мектеп кімнің атында, ол туралы оқушы не біледі деген сұрақтар қызықтырады. Мектебінің нөмірін білгенмен, атын арқалаған азаматтың өмірін білмейтін оқушылар өте көп болып шықты. Жас ұрпаққа үлгі-өнеге болсын деп есімі мектепке берілген қоғам қайраткерлері жайлы ештеңе білмейтініміз өкінішті.

Мен Сералы Лапин атындағы №261 мектепте оқимын. 1869-1919 жылдар аралығында өмір сүрген бұл азамат жайлы екінің бірі біле бермейді. Шығыстанушы, түрколог Сералы Мұңайтпасұлы Перовск қалалық училищесінде тәрбиеленген, Түркістан мұғалімдер семинариясын бітірген, одан кейін Санкт-Петербург университетінің заң факультетінде оқыған. Ол  қазақтың белгілі қоғам және саясат қайраткері, жасындай жарқырап өткен азаматтардың бірі.