«Өткен күнде белгі жоқ» деген сөзді естіген кезде уақыт зымырап өтіп, айлар, жылдар, ғасырлар аяқталып, жаңа өмірдің келіп қалғанын екі ғасырлық ғұмыры бар қасиетті Қызылорданың көркеюінен байқайсыз. Бүгінде біздің шаһар өзгерді, өсіп-өркендеді. Сыр бойының бүгінгі мен кешегіні байланыстырған тарихы сырбойылықтар үшін ғана емес, барша Алаштың мақтанышы.

«Елу жылда ел жаңа» деген екен дана халқымыз. Бүгін бізге байқалған өзгерістер ертеңгі күнде тарихқа айналып, болашақ ұрпақ та өзінің сүйікті қаласын басқаша көзбен қарайтынына, олардың бұдан да бөлек, бұдан да көркем қалада өмір сүретініне мен сенемін. Менің арманымдағы Қызылорда – жасыл желекке оранған, сәулет өнерінің заманауи әсем туындыларымен көз тартатын, халқы берекелі, жастары өнерлі, ең таза қала. Осы арманымды жүзеге асыруға атсалысамын деп ойлаймын.

        

                    №138 орта мектептің

   8 сынып оқушысы