Салтанат Бақаева: Үйге келгенде, мен келінмін
"Арнау" тобының әншісі Салтанат Бақаева NURTV.KZ-тің "Клип Show" бағдарламасына келіп, өзінің отбасы, ата-енесі жайлы айтып берді деп хабарлайды KAZ.NUR.KZ.Әншінің айтуынша, ол үйіне келе сала кішкентай ұлын емізіп, үй тірлігіне кірісіп кетеді екен.
"Сен түзде Салтанат Бақаевасың. Жұлдызсың мүмкін. Қатты жұлдыз емес, кішкене танымал деп айтайын. Бірақ үйге келгенде, мен келінмін. "Ой, біздің Салтанат жұмыс істеп келді. Демалсын" демейді. Мен баламды алып, дереу еміземін. Ыдысты да жуып жіберемін. Кейде киімімді ауыстырмай, сол жұмысқа кірісіп кетемін.Бір жағынан ішкі ыңғайсыздық. Өйткені келін болғаннан кейін, сол үйдің тазалығы менің мойнымда. Сол енді барынша, "осыны түзеп жіберейінші" деген мақсатта, киімді ауыстырмай тірлікке кірісіп кететінім бар", - дейді әнші.
