Газетіміздің №14 (291) 4 сәуір, бейсенбі күні жарияланған санында "Қосшыңыраудан қалаға қатынаудың қиыны-ай" атты тақырыпта материал жарияланған болатын. Мақалада көрсетілген мәселе шешімін тауып, ауылға үлкен сыйымдылықта қоғамдық көлік берілді. Ауыл тұрғындарының редакцияға айтар алғысы шексіз.

– Біздің ауылдағы басты мәселе қоғамдық көлік еді. Жұмысқа барарда тығылысатынбыз. Бұл мәселенің газетте көтерілгенін жиналыстан естідім. Десе де нәтижесі жуық арада шешіледі деген ой болған жоқ. Дүйсенбі күні жұмысқа шықсам, үлкен автобус келді. Бұл менің ғана емес, бүкіл ауыл тұрғындарының қуанышы. Мәселені көтеру бір басқа, одан шешім шығару ол мүлде басқа ғой. Осы ретте редакция ұжымына алғыс білдіргім келеді. Түйткіл мәселенің шешімі табылғанына рақмет!

– Бұл мәселенің шешімін табудың қандай жолы бар деп ойланушы едік. Жұмысқа еркін жету біз үшін қиынға соққан. Жақында достарымнан мақала жарияланғанын естідім. Бүгін, міне, өз-көзіме өзім сене алмай отырмын. Игілікті іске қолдау білдірген редакцияға рақмет айтқым келеді.