«Нұр Отан» партиясының «Ардагерлерді ардақтайық» жобасы аясында «Жас Отан» Жастар қанаты облыстық филалыны ҰОС мен тыл және еңбек ардагерлері, жалғыз басты қарттар мен мүгедек қарттарға арналған жалпы үлгідегі интернат тұрғындарын үнемі адресті көмек көрсетіп келеді. 2018 жылы «Жас Отан» ЖҚ бастамасымен облыс көлемінде 350 ардагерге адресті көмектер (үй тазалығы, аула тазалығы, денсаулық сақтау және әлеуметтік сала мамандарымен) көрсетілді. Жыл басынан бері жасотандықтар облыс көлемінде 35 ардагерге адресті қол көмек көрсетті, бұл жұмыстарға аудандық бөлімшелер де атсалысуда.

Акция Қызылорда қаласында  «Мәңгілік алау» және «Тағзым алаңынан» басталды. Енді аудандар және Байқоңыр қалаларының орталықтары мен ауылдарда жалғасады. Акция аясында ҰОС батырлары және ардагерлерінің есімі берілген 25 көшеге және 18 ескерткішке тазалық жұмыстары жүргізіледі. Мұнымен қоса «Ардагерлерді ардақтайық» жобасы аясында ардагерлерге «Қамқорлық айы» қолға алынды. Шара мамыр айының 19-ына дейін жалғасады. Шара барысында облыс көлемінде 30 ҰОС, 240 тыл ардагеріне адресті қол көмек көрсетіледі деп күтілуде. Көмекке денсаулық сақтау және әлеуметтік саланың мамандары да тартылатын болады.