№278 орта мектепте "Robo Fest – ORDA" облыстық фестивалі өтті. Мұндай байқау оқушылардың инновация мен жоғары технология саласына деген қызығушылығын арттырып, интеллектуалдық қабілетін дамытады. Сонымен қатар инженерлік-техникалық есептерді іс-жүзінде шеше білу және жұмыс істеу дағдыларын қалыптастырып, техникалық модельдеуді насихаттайды.

Байқауда робот моделін құрау және роботтарды бағдарламалау бағытындағы үздік жобалар анықталып, оқушылар мен педагогтардың шығармашылық жетістігі бағаланды. Қатысушылар "Робо – Арқан тартыс", "Робо – Ақ сүйек", "Робо – Қыз қуу" бағыты бойынша сынға түсті.

Фестиваль нәтижесі бойынша 38 оқушы жүлделі орынға ие болды. Жеңімпаздар ұйымдастырушылар тарапынан марапатталды.