Балабақша жұмысы қызықты, әрі жауапты. Бүлдіршінді күлімдеп қарсы алып, бар өнеріңді үйретіп бақытты етсең, өз ұлтыңды, адамзат баласын бақытты ету жолында тер төккенің. Балабақшадағы тәрбиеленушімен өткізген әрбір сәт бала үшін қызық. Бала – ел байлығы, қоғам бақыты. Өзім баланың балабақшадан жақсы тәлім-тәрбие алғанын қалаймын, сол үшін де аянбай еңбек етемін, еркіндікке жол беремін. Баланың өзін еркін сезінуі бәрін білуге деген талпынысы мен құлшынысы деп түсіну қажет.

Мен баламен арадағы сыйластық сезімді жақсы көремін. Осындай жасампаз ғасырда балабақшадағы бүлдіршіннің ұстазы болғаныма мақтанамын. Тәрбиеші жан-жақты болса ғана, өз мамандығының ұстасы болады. Сондықтан да оның жеке басына ерекше талаптар жүктеледі. Тәрбиеші – адам бағдарын жасаушы, келешек ұрпақтың сәулетшісі.

«Ел есінде бір жыл қалғың келсе – ас бер, он жыл қалғың келсе – ағаш отырғыз, ал мәңгі қалғың келсе – бала тәрбиеле» дейді халық даналығы. Бұл сөздің астында тәрбиеші мамандығының үлкен жауапкершілік иесі екендігі айқын көрініп тұр.