ІТ бағытта қолға алынған 26 жобаның 5-еуі негізгі салаға, 6-ауы басым салаларға арналған. 26 жобаның 6-ауы білім, 2-еуі денсаулық сақтау, 4-еуі қауіпсіздік, 5-еуі шаруашылық және көлік, 2-еуі ауыл шаруашылығы, 2-еуі бизнес және әлеуметтік салаға, 5-еуі қалалық басқаруға бағытталады.

      Денсаулық сақтау саласына енетін ІТ жобалардың әсерінен жүкті әйелдерге көрсетілетін қызмет сапасы артады. Бала өлімін азайту, туа біткен ауруларды бастапқы кезеңінде анықтау, созылмалы ауруларға жұмсалатын денсаулық саласының шығындарын азайту көзделген. Көлік саласында да 3 жоба енеді. Облыстық бюджеттен 2 жобаға 38,7 млн.теңге, мемлекеттік-жекешелік әріптестік аясында 1 жобаға 800 млн. теңге қаралған. Осы арқылы көлік ұйымдарының салық түсімдері 20%-ға, табысы 30%-ға, кондукторлардың төлемдерді иемденуін 90%-ға азайту, жолаушылардың қоғамдық көлікті күту уақытын және ақпараттандырылуы 40%-ға көбейеді. Ауыл шаруашылығы бағытында 2 жоба мақұлданған. ІТ жоба құрғақшылық, зиянкестердің жаппай көбеюі сынды дағдарыс сәттердің алдын алу үшін қолға алынған.

        Жалпы 26 ІТ жобаға 13,1 млрд.теңге қаржы қаралды. Аталған жобалар халықтың өмір сапасын арттыруды көздейді.