РАҚЫМЖАН – ҚАЗАҚСТАН ЧЕМПИОНЫ

Бәрекелді

Қармақшы ауданына қарасты №15 олимпиадалық резервтің мамандандырылған жасөспірімдер және балалар спорт мектебінің жаттықтырушысы Рашида Сарбасованың шәкірті Рақымжан Келмановтың жеңіл атлетикадан жасөспірімдер мен жастар арасында өткен республикалық, азиялық және халықаралық жарыстарда топ жарып, Сыр бойы елінің абыройын асқақтатып жүргеніне біраз жыл болды. Жерлесіміз жеңісті жарыстарын жалғастырып, жуырда Алматы қаласында ересектер арасында өткен Қазақстан Республикасының кезекті чемпионатында 1500 метр қашықтыққа жүгіруден І орынды жеңіп алып, облысымыздың мерейін үстем етті.