Бүгінде Нұр-Сұлтан қаласында өтіп жатқан «Назарбаев  Зияткерлік мектептері» дербес білім беру ұйымының тамыз конференциясында Қызылордадағы Зияткерлік мектеп ұжымы орта  білім беруді жаңғыртуда қосқан ерекше үлесі үшін Білім және ғылым министрлігінің арнайы марапатына ие болды.

Еліміздегі NIS ұстаздарының басын қосқан жылдың бас педагогикалық кеңесінде мектеп жетістіктері аталып, вице-министр Фатима Жақыпова мектеп директоры Бақыт Әмірханұлына Алғыс хат табыстады. Сондай-ақ білім беру процессін жетілдіруде және оқыту бағдарламасын іске асыруда айтарлықтай табыс үшін осы  мектептің биология пәнінің мұғалімі Дариға Мұнарбаева «Ыбырай Алтынсарин» төсбелгісімен марапатталды.