"Халқымыз «Ақыл – жастан, асыл – тастан» деп жастардың тың идеялары мен жасампаз бастамаларын әруақыт қолдап отырған. Қай кезде де, қай қоғамда да жастар – қоғамның белсенді өкілі. Сіздердің жаңа белестерге ұмтылыстарыңыз мемлекетіміздің тұрақты дамуын қалыптастыратын тың идеялардың тууына себепші болады. «Жас келсе, іске» демекші, ауданның гүлденіп, қарыштап дами түсуі үшін Сіздердің тың идеяыңыз, орнықты пікіріңіз, алғыр шешіміңіз мен ауызбіршілігіңіз керек. Өйткені, бейбітшілік пен келісім – біз сақтап, көбейтетін басты байлық. Себебі, біз – бір шаңырақтың астындағы мүддесі бір, мақсаты ортақ, жүзі басқа болса да жүрегі бір, тілі басқа болса да тілегі бір, тату-тәтті өмір сүріп жатқан халықпыз. «Бірлікті елге бақ тұрар» деген халқымыздың қанатты сөзі біздің бар іс-қимылымыздың тобықтай түйіні секілді", – дейді Шиелі ауданының әкімінің орынбасары Б.Жаниязов «Jas Star» атты аудандағы өнерпаз жастардың шарасында.

Сыр жұлдыздарының қатысуымен өткен "Jas Star" атты аудан жастарының жұлдызды кешіне шиелілік барлық жас белсене қатысты. Олар көңілді кеште би билеп, ән шырқады. Бастысы, жастардың бір күні бір күннен ерекше  өтті. Жұлдызды кеште, КТА Шиелі құрамасы өнер көрсетіп, жастарды аудиторияға тарту мақсатында ойындар ұйымдастырды.