Сырдария өзенінде су деңгейі көтерілді
Сырдария өзені арнасынан шығуы мүмкін, деп хабарлайды ҚазАқпарат «Қазгидромет» РМК баспасөз қызметіне сілтеме жасап.Мұз құбылыстарына байланысты Сырдария өзенінің Жосалы тармағында су деңгейі қауіпті белгіге жақындады.
Нақты деңгей таңғы 08:00-де 638 см болатын. Қауіпті деңгей - 665 см (судың өзен арнасынан шығуы). Шекті деңгей - 720 см. Бұл жағдайда елді мекенді су басады.
Су деңгейі одан әрі көтерілуі мүмкін.
