Сегіз мемлекеттің үздіктері қатысқан  халықаралық турнирде 2019 әскери бөлімінің десанттық шабылдау заставасының атқышы, ефрейтор Нұрбол Айтжанов 85 келі салмақта сынға түсіп, ІІІ орынды қанжығасына байлады. Ал заставаның тағы бір қызметкері Бақытбек Сәрсенғалиұлы 80 келі салмақ дәрежесі бойынша өнер көрсетіп, ІІІ орынды иеленді. Шараның жабылу салтанатында шекарашылар айтулы аламанның жоғары деңгейде ұйымдастырылғанын жеткізді. Спортшылар аймаққа оралған соң 2019 әскери бөлімінің командирі, полковник Айдар Каженов шекарашыларды арнайы құттықтап, ілтипат көрсетті.