Жастар жылының қорытынды шарасы ретінде «Жастар еліміздің болашағы» атты республикалық форумда «Үздік жас маман − 2019» төсбелгісімен қызылордалық Қараман Садықов марапатталды.

Форумды ҚР Білім және Ғылым Министрлігінің Ғылыми комитеті Мемлекет тарихы институты мен «Bilim Orkenieti» ұлттық инновациялық ғылыми-зерттеу орталығы бірігіп ұйымдастырған.  Салтанатты марапаттау рәсімінде  Арал қаласындағы №2 облыстық дарынды балаларға арналған мектеп-интернатының құрал-жабдықтар инженері Қараман Садықов  І дәрежелі дипломмен марапатталып, «Үздік жас маман − 2019» атты төсбелгісін кеудесіне тақты.  Республикалық байқауға 200 жас маман өтінім білдірген. Іріктеуден өткен 75 маманның жұмысы республикалық  жинақ кітабына жарияланды.

Қараман аталмыш білім ордасында бес жылдан аса уақыт еңбек етіп келеді. Белсенді жасты жеңісімен құттықтаймыз!