Қызылорда облысының жастар саясаты мәселелері басқармасының тапсырысы бойынша 2019 жылдың 3-5 желтоқсан күндері Шиелі ауданының Гигант, Төңкеріс, Ы.Жақаев, Н.Бекежанов, Жаңатұрмыс ауылдық округтерінде «Ауыл жастарын әлеуметтендіру» қызметін ұйымдастыру» әлеуметтік жобасыныңы аясында «Ай-Қанат» жастар қоғамдық бірлестігінің ұйымдастыруымен көшпелі қоғамдық қабылдау, жоғары сынып оқушыларына кәсіби бағдар беру мақсатында сала мамандарының қатысуымен кездесу, құқықтық сауаттылықты арттыру бағытында «Құқықтық сауаттылық – қоғам мәдениеті» тақырыбында семинар-тренинг, жастар арасында «Мен спортты таңдаймын!» тақырыбында спорттық сайыс және «Жастар жылын» атап өту мақсатында мерекелік концерттер өтті.

Сонымен қатар, жастарға мемлекеттік бағдарламалар мен жобалар туралы, құқықтық сауаттылықты арттыруға арналған әдістемелік-нұсқаулық әзірленіп ұсынылды.

         Ауданның  Гигант, Төңкеріс, Ы.Жақаев, Н.Бекежанов, Жаңатұрмыс, Талаптан және Сұлутөбе ауылдық округтерінде жастар арасында сауалнама жүргізіліп, оған 479 респондент қатысты.