Қызылорда облысының қорғаныс істері жөніндегі департаментінде Абай Құнанбаевтың өнегелі өмірімен, өлеңдерін, рухани асыл мұраларын насихаттау мақсатында, әскери қызметшілермен азаматтық персоналдардың қатысуымен Қазақтың бас ақыны - Ұлы Абайдың 175 жылдығына арналған «Асыл сөзді іздесең, Абайды оқы ерінбей....» атты мәнерлеп оқудан сайыс өтті.

Сайыс барысында қатысушылар III - кезең бойынша бақ сынаcты. Алғашқы кезеңде сайыскерлеріміз Абай атамыздың өлеңдерін жатқа оқып жарысса, II - кезеңде Абай әлемі арқылы ақынның өмірі мен шығармашылығынан экранда көрсетілген ұяшықтарды таңдау арқылы сұрақтарға жауап беріп, соңғы кезеңде "Абай - дана, Абай - дара қазақта" тақырыбы бойынша өлең өрнектеген жас ақындарымыз өз дарындылығын көрсетіп, Абай атамызға өз шығармашылығынан өлең арнады.

Нәтижесінде "Бас жүлде" иегері Кадрлар саптық бөлімшесі инспекторы Шыныбекова Самал Нұрбекқызы, I - дәрежелі орынмен Заң қызметі бастығының орынбасары Ысмайылов Айдос Қуанышбекұлы, II - дәрежелі орынмен Жұмылдыру басқармасының жұмылдыруды жоспарлау бөлімі бастығының орынбасары Жұмағұлов Нұрлан Сламбекұлы, III - дәрежелі орынмен Мемлекеттік құпияларды қорғау және ақпарат қауіпсіздігі қызметі, арнайы байланыс бөлімшесінің аға маманы Жұматов Қанат Жанарысұлы марапатталды.