Елбасы Қасым-Жомарт Тоқаевтың тарапынан қолдау тапқан Абай Құнанбаевтың 175 жылдығына орай ақын өлеңін оқу эстафетасы еліміздің барлық аумағын қамтығаны белгілі. Мектеп оқушылары үшін бұл эстафетаның маңызы күннен-күнге артып келеді. Себебі ақын жырының тереңіне бойлап, даналығын сезініп, ақын өлеңін жарыса оқыған оқушылардың білім көкжиегі кеңейгені сөзсіз.

Біздің бүгінгі кейіпкеріміз Нұрсұлтан Аманқос ‒ Абай оқуларын мәнерлеп айтуда алдына қара салмайтын дарынды оқушының бірі. Ол жуырда ХХ республикалық Абай оқуларының қалалық кезеңінің жеңімпазы атанып, білім беру ұйымдарының 8-11 сынып оқушылары арасында ұйымдастырылған дүбірлі додада ІІІ орын иеленіп, министрдің қолынан марапатталды.  Оған қоса бас қаладағы №57 мектепің 8 сыныбында оқитын Нұрсұлтан «Тәуелсіздік тартуы» атты бала ақындар мүшәйрасына қатысып, жеңіс тұғырынан көрініп жүр.

‒ Абай ‒ әлемдік тұлға. Ақынның жырын ойға жаттап, бойға сіңіру бүгінгі ұрпақтың парызы деп білемін. Сол үшін мұғалімнің көмегінсіз-ақ бос уақытымда Абай әлемін зерттегенді қолға алдым. Болашақта дана Абайдың жырымен сусындап өсіп, елге сүйеу болар дара азамат болғым келеді, ‒ дейді Нұрсұлтан.