Студенттер жолақыға жеңілдік сұрайды

Қоғамдық қабылдау

         Жастар орталығының ғимаратында өткен ашық есік күнінде Nur Otan  партиясы облыстық филиалының төрағасының бірінші орынбасары А.Әлназарованың қабылдауына келген жастар осылай деді.

Партия жетекшісінің бірінші орынбасары жастардың мәселесін жазып алып, жан-жақты зерделейтінін айтты. Өз кезегінде Ақмарал Әлназарова партия әркез жастар мәселелеріне ерекше мән беретінін айтып, жастарды партия жұмысына белсенді қатысуға шақырды. Қабылдауға жастар денсаулық орталығының мейірбикесі Ақтоты Жанасылова, кәсіпкерлерге қызмет көрсету орталығының маманы Әкімжан Жак, «Азаматтарға арналған үкімет» мемлекеттік корпорациясы» КЕАҚ Қызылорда филиалының инспекторы Серікбай Махамбет, жұмыспен қамту орталығының бөлім басшысы Мадина Нысанбаева қатысып жастардың сұрақтарына жауап берді.

        Мұнан соң «Жастар» бастауыш партия ұйымының атқарған жұмыстары туралы Бауыржан Мәстеков баяндама жасады. Бастауыш партия ұйымы алда өтетін халық санағына және сайлау науқанына белсенді қатысуға сақадай сай екенін айтты. Сондай-ақ облыс бойынша барлық деңгейдегі жастар мәслихаты құрылып, сайлау өтеді.

         Жиын соңында партия қатарына салтанатты түрде қабылданған жастарға арнайы парт билет табысталды.

Гүлбану МАҚАЖАН