Бабалар ерлігі – ұрпаққа үлгі

   Ауған жерінен Кеңес әскерінің шығарылуына 31 жыл толуына орай Қорқыт Ата атындағы ҚМУ жәнеәскери кафедраның ұйымдастыруымен Ауған соғыс ардагерлерімен кездесу өтті. Кездесудің басты мақсаты ‒батыр бабалардың ерлік жолын келер ұрпаққа үлгі ету, болашақ офицерлермен соғыс жағдайындағы тәжірибемен бөлісу.

Кездесуге Ауған соғысының ардагері  Сағат Тайман, Қыдыр Өткелбаев, «Ауған соғысы ардагерлер ұйымы» қоғамдық бірлестігінің төрағасы Баймаханов Хайриддин,  «Ауған соғысының ардагерлері мен мүгедектерінің кеңесі» қоғамдық бірлестігінің төрағасы Ғалымжан Камалов қатысты.
Шара барысында әскери кафедра жетекшісі Сәкен Маратұлы мен 381 оқу взводының студенті Сейітқожа Қайырбек баяндама жасап, жастарды ерліккке, отансүйгіштіккке шақырды. Қатысушы студенттер Ауған даласында қаза тапқандардың рухына тағзым етіп, шара барысында патриоттық қойлымдар орындады.