ӘРІПТЕСТІКТІ АРТТЫРУ
ҮЕҰ мен БАҚ арасындағы әріптестікті нығайту атты дөңгелек үстел өтті. Шараға түрлі салада белсенді еңбек етіп жүрген еріктілер мен Үкіметтік емес ұйымдардың мүшелері және журналистер қатысты. Бүгінде жоба аясында мағыналы шара ұйымдастыратын ұйымдар бар. Алайда дер кезінде ақпараттандырылмаған соң жұртшылық білмей жатады. Ал кей ұйымдар БАҚ құралдарымен белсенді жұмыс жасап, соның нәтижесінде қоғаммен тығыз қарым-қатынас орнатады, әрі соның есебінен еріктілердің құрамы толығып отырады және жаңа демеушілер табудың мүмкіндігі туады. Қатысушылар түрлі тақырып төңірегінде ой тастап, пікір алмасты. Тығыз әріптестік қарым-қатынаста еңбек етуге уағдаласты.
