Аяулым Англияға жолдама алды

 Алматы қаласында "GALAXY" халықаралық мектебінде өткізілген "OWLYPIA" білім және дебат сайысында Аяулым Асанхан халықаралық дәрежедегі білімділермен додаға түсіп, топ жарды. Ол 5 кезеңнен тұратын халықаралық деңгейдегі олимпиададан алтын медаль қанжығалады.Осылайша жеңімпаз жазда Англияда өтетін олимпиадаға жолдама алды.

Аяулым – №2 дарынды балаларға арналған «Мұрагер» мектебінің оқушысы. «Қазанғап» атындағы музыкалық колледжінің «Сыр гүлдері» би тобында қатысып, үздік куәлікпен тәмамдап шықты. Сыр гүлдері би ансамбліндегі ұстазы Жанар Тұңғышбайқызымен Испания мемлекетіне барып Қазақстан атынан шығып жүлделі І алған. Сонымен бірге көптеген облыстық, республикалық деңгейдегі жарыстардажүлделі орын иеленіп жүр.

Айғаным ҚҰРМАШЕВА,

ҚМУ-дың ІV курс студенті