Аймақта «World Skills QAZAQSTAN» байқауы бесінші рет ұйымдастырылды

Биыл байқау 16 құзыреттілік бойынша іріктеу жүргізген. Облыс бойынша болып өткен байқауда Қазалы көлік-техникалық жоғары колледжінің студенті Жадырасын Оразымбет, Серік Қасқырбай, Арал индустриалды-техникалық колледжінің студенті  Хамза Жандәулетов, Қармақшы аграрлы-техникалық колледжінің студенті Жазира Серікбаева, Сырдария аграрлы-техникалық колледжінің студенті Есенжол Базархан, Шиелі индустриалды аграрлық колледжінің студенті Төрехан Асанханұлы және т.б белсенді студенттер қатысып, жүлделі орын мен сыйақы иеленді. Сонымен қатар қазан айында Нұр-Сұлтан қаласында өтетін "World Skills QAZAQSTAN" байқауының республикалық шарасына бақ сынасуға жолдама алды.

1946 жылдан бастау алған"World Skills QAZAQSTAN" жобасына әлемнің 80-нен астам мемлекеттері қатысады. Дамыған заманда кәсіптік мамандықтардың маңызы ерекше. "World Skills QAZAQSTAN" ұлттық чемпионаты 2014 жылдың 10-шы шілдесінен бастап халықаралық  "WorldSkills International"  қозғалысының қатысушысы болып бекітілді."WorldSkills International" жұмысшы мамандықтардың құзыреттілігін көтеру, техникалық оның ішінде жұмысшы кәсіптеріне жастардың қызығушылығын арттыру. Чемпионат 18-22 жастағы жастар арасындағы кәсіптік мамандықта оқитын үздік студенттерді анықтайды. Аталмыш шараға Қызылорда облысы әкімінің орынбасары Руслан  Рүстемұлы, "Нұр Отан"  партиясы Қызылорда облыстық филиалы төрағасның  Ι орынбасары Ақмарал Әлназарова, "Атамекен" кәсіпкерлер палатасының директоры  Ғалымбек Жақсылықұлы байқауға қатысып, төрелік етті.

  Нұрай ОҢАЛ ,ҚМУ-дың  ΙΙ курс студенті