Қызылордада коронавирус табылған адам Оңтүстік Кореядан 1 наурызда ұшып келген. Ол Қызылордаға келген соң 14 күн ауруханада карантинде жатып, кейін вирус табылмаған соң үйіне шығарылған. Бұл ақпаратты "Хабар 24" арнасы хабарлады. Науқас 1955 жылғы әйел адам Кореяда іссапарда болған. Карантиннен үйіне шығарылған. Содан кейін оның жағдайы күрт нашарлап, жедел жәрдем бригада тобын шақырған. Тестен өткеннен кейін диагнозы расталған. Қазір облыстық инфекциялық ауруханада жатыр. 29 наурызда науқаспен қарым-қатынаста болған медбикеден де сол диагноз нақтыланды. Ведомство мәліметінше, қазір пациенттермен қарым-қатынаста болған адамдар анықталып, барлығы медициналық бақылауға алынуда. Вирус анықталған ошақтарда дезинфекциялық жұмыстар жүргізілуде. "7 сәуірдегі жағдай бойынша өңірде COVID-19 инфекциясын жұқтырған 54 адам анықталды. Қызылорда қаласында – 9 жағдай, Жаңақорған ауданында – 16, Қармақшыда – 4, Шиеліде – 24, Сырдария ауданында-1 жағдай", - делінген хабарламада.