Қызылордадағы жалпыұлттық «Birgemiz: Bilim» жобасы
Үстіміздегі жылдың наурыз айынан бастап Ақпараттық және қоғамдық даму министрлігі мен Азаматтық бастамаларды дамыту орталығының қолдауыменен «Сана» зияткер жастар мектебі» қоғамдық қорының жүзеге асыруыменен Қызылордада жалпыұлттық «BIRGEMIZ: BILIM» жобасы өз бастауын алды.
Жобаның мақсаты: «BIRGEMIZ: BILIM» жобасының аясында Қызылорда облысының ауылдық орта білім беру мекемелерінің жоғары сынып оқушыларына (8-11 сынып) арналған ҰБТ-ге, олимпиядаларға және ғылыми-интеллектуалды байқауларға қатысу, компьтерлік және құқықтық сауаттылық, ағылшын тілін үйрету бойынша қосымша дайындық сабақтары ұйымдастырылады.
Жоба кімдерге арналған және кімдер қатыса алады? Жоба Қызылорда облысының барлық ауылдық орта мектептердің жоғары сынып оқушыларына (8-11 сынып) арналған. Жобаға волонтерлар, қоғамдық ұйымдарының белсенділері, білікті мамандар, кәсіби мұғалімдер және студенттер қатыса алады.
Жобаның бағыттары:
- ҰБТ-ге арналған дайындық сабақтары;
- Олимпиядаларға және ғылыми-интеллектуалды байқауларға қатысуға арналған қосымша сабақтары;
- Компьтерлік сауаттылық бойынша қосымша сабақтар;
- Құқықтық сауаттылық бойынша қосымша сабақтар;
- Ағылшын тілін үйрету бойынша дайындық сабақтары;
Қосымша ақпарат: «BIRGEMIZ: BILIM» жобасының аясында Қызылорда облысы бойынша орталығы – «Сана» зияткер жастар мектебі» қоғамдық қоры, +7 747 486 03 04.
