Облыстық ішкі саясат басқармасы «Үкіметтік емес ұйымдарға арналған ақпараттық-ресурс орталығы жұмысын ұйымдастыру» әлеуметтік жобасының аясында «Асыл мұра - Орда» қоғамдық қорының ұйымдастыруымен ү.ж 17-18 тамыз аралығында Қызылорда қаласы, Сырдария, Қармақшы, Жалағаш аудандарында кездесу өткізілді. Қызылорда облысының белсенді ҮЕҰ-мен Алматы қаласының «Білім технологиялары және бастамалар қоры» ҚҚ менеджері Курбанова Нигара «Қызылорда облысының ауылдық ҮЕҰ-дың әлеуметін көтеру» гранты бойынша кездесті. Кездесуде қазіргі таңда облыс ұйымдарының өзекті мәселелері қозғалды. Жоғарыда аталған жоба бойынша Қызылорда облысы бойынша 10 ҮЕҰ-ы 500.000 тенге көлемінде қайтарымсыз грантқа ие болды. Жалпы қаржыландыру ҚР акпарат және қоғамдық даму министрлігі және «Азаматтар бастамаларды қолдау орталығы» КЕАҚ қолдауымен жүргізілуде.