Есірткі – бұл адамның көңіл-күйін, сана-сезімін, мінез-құлқын бұзатын қауіпті, тиым салынған химиялық зат. Ол адамды құмарлық тозағына түсіреді. Нашақор адам есірткісіз өмір сүре алмайтын халге жетеді. Есірткі қолданбаса, ауырып мазасы қашады. "Ауырып ем іздегенше, ауырмайтын жол ізде" демекші, оны қолданбай өз денсаулығымызды сақтасақ ештеңе болмас еді. Есірткіні тұтынған адам өзін ғана құртпай, басқаларға ұсынуы əбден мүмкін. Жастар осындай әрекетке барса, ертеңгі күнге қандай сеніммен қараймыз?! "Шылымқор өзін ғана емес, өзгелерді де улайды" деген сөз бекер айтылмаса керек. Сол себепті бұл жаман нəрседен алшақ болып, өз денсаулығымызды барынша күтіп, қауіп төнетін зиянды әрекеттен аулақ жүру керек. Қазіргі таңда, ең қуанатын жағдай, нашақор адамдар азаюда. Жастар өмірдің қадірін түсінуде.

Біздің көшпенді ата-бабамыз саламатты өмір сүрді. Ұрпағының азып тозбауын қадағалады. Сол дәстүрді сақтап, бүгінгі ұрпақ қоршаған ортаны, денсаулықты күтіп, терең білім алып, саналы азамат болуға ұмтылу керек.