DaVinci Surgery- робот хирург
"Робот-хирург daVinci Surgery Robot алғаш рет өт қабына ота жасап, сәтті аяқтады. Ол адамның қатысуынсыз пациенттің өт қабын алып тастады", деп жазады шетелдік БАҚ.
Робот 3D-шолумен және басқару панелімен жабдықталған, сондай-ақ «қолдары» икемді. Егер ота дұрыс жасалмай жатса, онда дәрігер басқару панелінің көмегімен отаны әрі қарай өзі жалғастырады.
Өт қабы алынған емделушінің аты-жөні белгісіз. Дәрігерлер науқасқа хирургиялық операцияның қалай жасалатынын түсіндіргеннен кейін ғана, ол келісімін берген. Ота кезінде күтпеген жағдай болмас үшін, жұмысты жалғастыру үшін робот дәрігер-хирургтың тікелей бақылауында болды. Алайда операция кезінде оның көмегі қажет болмады. Бұндай роботтың құны 4,9 млн доллар.
