» » » «ЖҰЛДЫЗ» ДЕП КІМДІ АТАП ЖҮРМІЗ?

«ЖҰЛДЫЗ» ДЕП КІМДІ АТАП ЖҮРМІЗ?


Айналамызда жұлдыздар көбейіп кетті. Оған дәлел екі ән мен бір бейнебаяны бар өнер адамдарның бәрі бірдей жұлдыз атын иемденуі, ең сорақысы әлеуметтік желідегі оқырман саны жоғары жастардың өзі қазірде жұлдыз... 
         «Жұлдыз» атауының қадірі осыншама түскені қапаландырады. Қарап отырсаңыз, айналаңыздың бәрі жұлдыз болды. Мәселен, әнші жұлдыз, бір жарнама  мен бір бейнебаянға түскен актер да жұлдыз, басқасы да, бақа, шаяны да қазірде жұлдыз. «Екі жұлдыз» дейді, «Жұлдыздар отбасы» дейді әйтеуір қаптаған жұлдыз.  «Жұлдыздар шеруі» деп бас қосып, қызыл кілеммен жүрген жандар сол атаққа шынымен  лайық па?
Осы атаққа ие болған тарихи тұлғалар бар, олардың орасан еңбегі қазіргіден тым бөлек. Азғантай ғана өмір жолында ғұмырын халыққа арнаған һәм ел тыныштығын өмірімен қорғаған.
Шоқан Шыңғысұлы Уәлиханов. Мінеки, шын жұлдыз, жарық жұлдыз. Ғани Мұратбаев - киелі Қазалының топырағында дүние есігін ашқан «Шығыстың шоқ жұлдызы», қамшының сабындай қысқа, жиырма үш жылдық өмірінде жалындап өткен Ғани, алпыс жылда адам істей алмайтын еңбекті жасады. Шығыс жастарын бастады. Өшпес жұлдыз − Әлия Молдағұлова,  Мәншүк Мәметова. Елі үшін жанын қиюға дайын қазақ қыздары.  
Міне, осылар шын жұлдыз, өз елінің азаттығы жолында жанын берген қазақтың қос қаһарман қызы, азғантай ғұмырында артына өшпес із қалдырған азаматтар. Олар өздерін ешқашан жұлдызбын деп санамады, "жұлдыз" деп халық атақ берді, «Шығыстың шоқ жұлдызына» балады. Жұлдызшалар қаптаған қоғамда шын жұлдызымызды ұмытпайық.
 
Шернияз ЖАЛҒАС,
Қызылорда қаласы.
01 ақпан 2018 ж. 1 822 0

PDF нұсқалар мұрағаты

46-375

19 қараша 2020 ж.

45-374

12 қараша 2020 ж.

44-373

05 қараша 2020 ж.

Жаңалықтар мұрағаты

«    Ақпан 2023    »
ДсСсСрБсЖмСбЖс
 12345
6789101112
13141516171819
20212223242526
2728