Сырға салу – қыз ұзату, келін түсіру жоралғыларының бірі. Сырға салу кезінде жігіт жағынан 4-5 адам келіп, құда түсер ырымын жасап, қыздың құлағына сырға тағып, қызды алып кететін күнді белгілейді. Осы аралықта “той малы”, “сойыс”, “бала күту”, “әке күші” деген кәделер келісіледі. Бұл жолы жігіт жағы қыздың ата-анасына киіт кигізеді, қыз жағы құрметтеп күтіп алып, шығарып салады, т.б сый-сыяпаттар жасалады. Келісілген күні жігіт жағы қызды алып кетеді.