SURAQ-JAUAP
Сұрақ: М.Жәнібек:
– Жақында досым үйленді. Неке куәлігіне 5000 теңге төледік. Білейін деп едім жалпы, неке куәлігі сатыла ма? Бағасы қанша тұрады? Неке куәлігі қанша тұрады?
Жауап:
Сұраққа Қызылорда облыстық «Ақмешіт-Сырдария» мешітінің наиб имамы Съезбек Рахметтегі жауап береді:
– Мешіт – құдайдың үйі. Мұнда келгендердің барлығы Құран оқытып, намаз оқуға келеді. Ал неке қидыру куәлігін мешіт қызметкерлері арнайы тапсырыспен алдырады. 200-300 данаға баспаханалар тапсырыс қабылдамайтындықтан, 2 мыңнан жоғары неке куәлігін сатып аламыз. Сондықтан неке қидырған жұптар 300 теңге көлемінде төлесе болады. Дегенмен ешкімнен ақша талап етпейміз. Керісінше, жас жұбайлар қуанышымен бөлісіп, 2-3 мың теңге көлемінде садақа беріп кетеді. Мұның барлығын біз тіркеп, күзетшінің, еден жуушының жалақысын төлейміз.
