Қызметтен босатылды
Қызылорда облысында жыл басынан бері теріс себеппен 5 мемлекеттік қызметші қызметінен босатылды. Бұл өткен жылдың І жартыжылдығымен салыстырғанда 3,5 есеге азайған.
Теріс себеппен қызметтен босатылғандардың 2-еуі сыбайлас жемқорлық құқықбұзушылық жасағаны үшін, 2-еуі мемлекеттік қызметке кір келтіретін тәртіптік теріс қылығы үшін және 1 мемлекеттік қызметші дәлелді себепсіз 3 сағаттан астам уақыт жұмыста болмағаны үшін жазаланған. Сондай-ақ, облыс бойынша жыл басынан бері 48 мемлекеттік қызметші, оның ішінде басшы құрамдағы 14 қызметші өз өтінішіне сәйкес қызметтен кеткен. Бүгінгі таңда, Қызылорда облысында штат бойынша 3737 қызметшінің орнына 3588 мемлекеттік қызметші жұмыс істеуде.
