Бұл шеберлік сабағының балалар үшін мәні зор. Орталық жасөспірімдері шеберлік сабағында босаған қораптарды да пайдаға жаратуға болатынын түсінді. Сондай-ақ жасөспірімдердің шығармашылық қабілетін дамытуға және танымдық қызығушылығын қалыптастыруға үлкен мүмкіндік болған бұл сабаққа балалар үлкен қызығушылықпен қатысты.

«Жетім көрсең, жебей жүр» деген емес пе, қамкөңіл балалардың басынан сипап, алдағы өміріне сеп болар пайдалы істі үйретуден артық сауапты нәрсе бар ма?! Алдағы уақытта да орталық жасөспірімдері үшін тәлімгер Мейрамкүл Балтабайқызының шеберлік сабағы жалғасады деген үміттеміз.