Қымбатты, редакция! Мен сіздерге ұстазым – біздің бастауыш сыныбымыздың мұғалімі, Қармақшы ауданындағы №183 орта мектептің мұғалімі – Ағираш Сабырбаева жайлы айтқым келеді. Міне, биыл үшінші жыл – Ағираш апай бізге әріп үйретіп, жазу жаздырып, кітап оқытып, бір сөзбен айтқанда, білімге баулуда. Күні кеше қара танымайтын балалар едік, енді өзіміз оқи аламыз, диктант жаза аламыз, көшелердегі жазуларды, газет-журналдарды өз бетімізше оқи береміз. Көп тақпақ білеміз, ертегі-әңгімелерді жатқа айтамыз. Бізге қаншама еңбек сіңіріп, оқу-білімге баулыған, тәрбие берген ұстаз, сізге алғысымыз шексіз. Біз сізбен мақтанамыз.

                                                                                     Айша ЖҰМАБЕК