ЖЕРЛЕСТЕР ЖҮЗДІККЕ ЖАҚЫН
Халықаралық футбол қауымдастығының (ФИФА) жаңарған рейтингінде Қазақстан құрамасы 2 сатыға жоғарылап, 117 орынға жайғасқан. 273 ұпай жинаған Станимир Стоилов жаттықтыратын Қазақстан құрамасы сәуірде ресми ойын өткізбеген еді. 5 маусым күні Қазақстанмен жолдастық кездесу өткізетін Әзірбайжан құрамасы 126 орынға тұрақтаған. Ал әлемдік рейтингтің көшін Германия құрамасы бастап тұрса, екінші орынға Бразилия құрамасы орналасқан. Үздік үштікте 1346 ұпаймен Бельгия құрамасы тұр.
Айта кетейік, ФИФА рейтингі 1993 жылдан бері түзіліп келеді. Сол арқылы ұлттық құрамалардың өсу деңгейін, көрсетіп келе жатқан нәтижелерін бағамдауға болады