(15-21 маусым)
ТОҚТЫ
Апта басында қызметіңізге байланысты үлкен өзгеріс болады. Бұл өзгеріс биік жетістікке жол ашады. Апта соңында өзіңізге көңіл бөліңіз.
Торпақ
Осы аптада сізді қаржы мәселесі біраз әбігерге түсіретіні анық. Алайда артынша бәрі шешіліп, өз орнына келмек. Сәл шыдамдылық танытсаңыз болғаны. Сүйікті жанға жылы сөз арнап, өмірдің тамаша сәтін сезіне біліңіз.
Егіз
Сынаққа толы бұл апта сіздің жігеріңізді жасыта қоймайтыны анық. Сондықтан күш-қайратыңыздың арқасында қиындықтан оңай жол табасыз. Отбасыңызға ерекше көңіл бөлудің сәті осы аптада түспек.
Шаян
Апта сіз үшін жағымды жаңалыққа, естен кетпес қызықты сәтке толы. Іштегі толқыныстан арылып, өзіңізді еркін ұстаңыз. Әр істі шын жүректен орындасаңыз, бәрі ретімен жүзеге асары анық. Сабырлы болыңыз.
Арыстан
Отбасылық қуанышқа байланысты басқа қалаға сапарға шығуыңыз ықтимал. Көптен көрмеген туысқаныңызбен кездесіп, бір сергіп қалатыныңыз анық. Балалардың сабағын қадағалап жүруді естен шығармаңыз.
Бикеш
Бұл апта өміріңіздегі қуанышты сәттерге толы. Көптен күткен арманыңыз орындалып, үлкен табысқа жетесіз. Отбасылық өмірдің алғашқы күндеріне де қадам басуыңыз ықтимал.
Таразы
Егер жақсы дайындалсаңыз, қолға алған әрбір ісіңіз сәтімен болады. Сақтық пен ұстамдылықты ұмыт қалдырмаңыз. Шектен тыс құштарлыққа бой алдырудан аулақ болыңыз. Демалыс күндері артық ойдан арылып, жақсылап тынығуға тырысыңыз.
Сарышаян
Күннің ыстығы сізді біраз әбігерге түсіретіні анық. Қызметіңізде орын алған келеңсіз жайт сіздің жүйкеңізге әсер етуі мүмкін.
Мерген
Қолға алған істі аяғына жеткізесіз. Күтпеген жерден пайдалы ұсыныс түсуі мүмкін. Барлық мүмкіндікті құр жібермеуге тырысыңыз.
Тауешкі
Аптаның басы қиындықпен басталса да, қамықпаңыз. Апта соңында үлкен табысқа қол жеткізуіңіз ықтимал. Әр ісіңізді жүзеге асырар сәтте сабырлылық танытқан абзал.
Суқұйғыш
Апта қызықты сәтпен басталмақ. Үйіңізден жақсылықтың нышанын байқайсыз.  Басшылық тарапынан еңбегіңіз бағаланып, марапатқа ие боласыз.
Балық
Оқу, бір жағынан, қызмет бұл аптада сізді біраз әбігерге түсіретіні анық. Сондықтан ашудан гөрі, сабырлылыққа бой алдырған жөн. Достарыңызға қолдан келгенше көмектесуден бас тартпаңыз.