Головкинның келер қарсыласы кім?
Қазақстандық Геннадий Головкиннің (38-1-1, 34 КО) промоутері Том Леффлер екінші орта салмақта WBA Super белбеуінің иегері және Бүкіләлемдік бокс суперсериясының (WBSS) жеңімпазы британиялық Каллум Смиттің (25-0, 18 КО) ісін жүргізетін әріптесі Эдди Хирнмен келіссөздерді бастады. Бұл туралы talkSports тілшісі Майкл Бенсон мәлімдеді.
Голвкин - Смит жекпе-жегі 2019 жылы "Ливерпуль" футбол клубы матчтерін өткізетін "Энфилд" стадионында болуы мүмкін.
"Хирн бүгін Леффлермен WBA және The Ring белбеуі үшін Смит - Головкин жекпе-жегін келесі жылы мамырда "Энфилд" стадионында өткізуді талықлады", - дейді Бенсон.
Қазан айының соңында Леффлер алғаш рет Головкин - Смит кездесуі туралы айтып, өзге британиялық Билли Джо Сондерспен (26-0, 12 КО) допингке байланысты белбеуінен айырылғандықтан онымен жекпе-жек өткізбейтінін нақтылап кеткен болатын.
