Палата cпикері Нұрлан Нығматулиннің төрағалығымен Мәжіліс бюросы өтті. Жиында Мәжілістің келесі аптадағы жалпы отырыс күн тәртібінің жобасы қалыптастырылды.  Оған сәйкес, алдағы жалпы отырыс­та ратификациялық құжат – Қазақстан мен Өзбекстан үкіметтері арасындағы энергети­ка саласындағы ынтымақтас­тықтың кейбір мәселелері туралы негіздемелік келісімге қатысты заң жобасы қалаулылар қарауына шығарылмақ. Келісім екі мемлекет арасын­дағы мұнай-газ саласындағы, мұнай-газ химиясы және электр энергетика­сын­да­ғы ынтымақ­тастығын ынталан­ды­руға, мұнай өңдеу зауыттарында өңдеуі үшін Өзбекстанға елімізден шикі мұнай жеткізу көлемін ұлғайтуға, сондай-ақ Қазақстанның оңтүс­тігін күзгі-қысқы кезеңде табиғи газбен үздіксіз жабдықтау­ға бағытталған. Сонымен қатар Мәжіліс депутат­тары мемлекеттік қызмет және сыбай­лас жемқорлыққа қарсы іс-қимыл мәселелері бойынша қолда­ныс­тағы заңна­маға өзгерістер мен толық­тыру­лар енгізетін, қалаулы­лардың өздері әзірлеген заң жобасын бірінші оқылымда талқылайды деп күтілуде. Палата бұдан өзге, Тәжік­стан, Қырғыз Республи­касы, Қазақ­стан және Исмаилиттер Имаматы арасын­дағы Орталық Азия универ­ситетін құру жөнін­дегі келісімге хаттаманы рати­фи­ка­ция­лайтын заң жоба­сы бойын­ша жұмысты ары қарай жалғас­тыру мәселесін де қарай­ды деп жоспар­ланып отыр.