Еркетай боп еркелеп жүре-тұғын,

Сол ерке жыр арнайды, міне, бүгін.

Әкешім, бізді асырап, алаңдаумен,

Үйді ойлап көрмедің-ау мүлде тыным.

Үйреттің бар асылды бала кезде,

Есейдім өсті бүгін сана лезде.

«Жақсы әке жездедей-ақ» деген сөзбен

Келіспен. Саған жетпес ешбір жезде.

Жыр арнадым, әкешім, мақтау үшін,

Сәби көңіл мәңгілік сақтау үшін.

Сеніміңе мың рақмет, әкетайым,

Талпынам үмітіңді ақтау үшін.

Балалық пен шалалық – еркеледім,

Тәрбиеңнің және алдым ең керегін.

Әкетай, күрсінбегін, қуана бер,

Артыңда еркетайың мен келемін.

                                                                  Арузат БАУЫРЖАНҚЫЗЫ,

№86 орта мектептің

  10 сынып оқушысы