Аралдықтар велосипедпен теміржол вокзалынан бастап, орталық көшемен Рәміздер алаңына дейінгі аралықты жүріп өтті. Велошеру Елорда атауының өзгеруіне орай, сондай-ақ, бұқаралық спортты дамыту мақсатында ұйымдастырылды.

Шараға таңертеңнен көліктерін сайлап, спортты серік етіп келген 100-ге жуық тұрғын мен белсенді жастар қатысты. Олар Елорда – Нұр-Сұлтан қаласының өсіп-өркендеп, гүлдене беруіне тілестігін жеткізді. Сонымен қатар күнделікті өмірде велосипедпен жүрудің адам денсаулығына тигізер септігі мол екенін айтып, саламатты өмір салтына баулитын шараның ұйымдастырушыларына ризашылық білдірді.