Қызылорда облысы бойынша соттар әкімшісі басшысының орынбасары, әдеп жөніндегі уәкіл Мөлдір Асанова Тұңғыш Президенттің «Болашаққа бағдар: рухани жаңғыру» атты мақаласын талқылау мақсатында семинар өткізді. Оған қылмыстық істер жөніндегі мамандандырылған ауданаралық сотының кеңсе меңгерушісі Әл-Фараби Жақсылықов, қалалық №2 сотының бас маманы Айзат Абызова, мамандандырылған тергеу сотының аға сот приставы Берік Керуенбаев қатысты.

Семинарда мемлекеттік қызметкерлер арасында қызметтік әдеп нормасының сақталуы, сондай-ақ ұжымдағы моральдық-психологиялық ахуалдың жай-күйі талқыланды. М.Асанова мақалада айқындалған негізгі алты бағытты тарқатып нақты жобаларды жүзеге асыруға, ел бірлігін нығайтуға бағытталған жаңғыртудың маңыздылығына тоқталды. Сонымен қатар қазақ әліпбиін латын графикасына көшірудің тиімділігін, «Қазақстандағы 100 жаңа есім» жобасын іске асыру шеңберінде атқарылып жатқан шараларды атап өтті. "Сот мамандары адал, әділ, қарапайым болуға, жалпы қабылданған моральдік-әдептілік нормаларын сақтауға, азаматтармен және әріптестерімен қарым-қатынаста сыпайылық пен әдептілік танытуға тиіс. Сондықтан сіздерді жұмысқа жауапкершілікпен қарауды сұраймын", – деді.