Қазақ айтыс өнерінің жанашыры, журналист Жүрсін Ерман жұбайымен қалай танысқанын айтып берді. Ол 52 жыл отасқан әйелі Бақытжамал Ерманованың көңілін қалай тапқаны жайында "Түнгі студия" бағдарламасында баяндады.

"Біз мектепті жаңа бітіре салып табыстық. Жасөспірім бозабал, бойжеткен қыз ғой ол кезде. Екеуіміздің ауданымыз бір-ұлы Ұлытау ауданы. Ауылдың балаларымыз. Жездесі Боздақ деген ауылда тұратын. Сол жерге менің туған ағам мал дәрігері болып барды. Сосын екеуміз мерекеге ауылға бардық . Сол жақтағы "вешірге" екеуміз екі жақтан барып, таныстық.Мен алыс ауылда өскенмін, біздің ауылда мұндай сұлу қыз көрген жоқ-тұғынмын. Содан көрдім де, есімнен танып, құр соңынан қалмай қойдым. Бұл қыз да қатігез екен, мойын бұрмай, қашқалақтап жарты-бір жыл жүрді. Солай құр соңынан қалмай қойдым. Киноға барса, кассаның адында тұрамын. Дүкенге барса, тағы жолға кетемін", - деді ол.

"Естайдың сөзімен айтсақ, 51 жыл ғашық болдым мен саған, 51 жыл өмір сүрдім ендеше дегендей, содан бері сондай уақыт өтті", - деді ол.