Геннадий Головкин: Альварес менімен төбелесе алмайды. Қазақстандық кәсіпқой боксшы Геннадий Головкин мексикалық Сауль Альварестің үшінші жекпе-жек өткізгісі келмейтіні туралы пікір білдіріп, Сергей Деревянченкомен болатын жекпе-жек алдындағы көңіл-күйімен бөлісті деп хабарлайды Prosports.kz. "Мен өзімді чемпион сияқты сезінемін. Мен үшін әр жекпе-жек чемпиондық атақ үшін талас. Барлық жекпе-жек мен үшін бірдей маңызды.

      Альварес менімен төбелескісі келмейді немесе төбелесе алмайды. Ковалевке қарсы жекпе-жекке шығуды жөн көрді. Жалғыз таңдауы сол еді. Шамасы, ол қиындықтарға тап болған секілді. Біз жекпе-жек өткізуді ұсындық, ол бас тартты. Қарсыластан қашан да сақтану керек, жоғарғы дәрежеде бағалау керек. Кез келген жекпе-жекке тыңғылықты дайындалу керек. Себебі, ол сен үшін соңғы болуы әбден мүмкін. Деревянченконың біздің жекпе-жегімізге деген көзқарасы және оның маған деген құрметі Сергейдің қаншалықты мықты дайындалғанын, ол үшін бұның бәрі өте маңызды екенін көрсетеді», - деді Головкин. Естеріңізге сала кетсек, Геннадий Головкин мен Сергей Деревянченко 5 қазан күні кездеседі.