Қызылорда облыстық ішкі саясат басқармасы мен «Самұрық» инновациялық идеяларды дамыту орталығы» қоғамдық қорының ұйымдастыруымен 2019 жылдың 24 қазанында Арал аудандық халыққа қызмет көрсету орталығында тұрғындардың құқықтық сауаттылығын арттыру, құқық бұзушылыққа мүлдем төзбеушілік қағидатын қалыптастыру және сыбайлас жемқорлықтың алдын алу бойынша қоғамдық қабылдау өткізілді. Қоғамдық қабылдауға аудан тұрғындары келіп, өздерін толғандырып жүрген сауалдарын «Самұрық» инновациялық идеяларды дамыту орталығы» қоғамдық қорының директоры Ж.Тұсмағамбетов, Арал ауданы прокурорының орынбасары Музатов Мұрат Амангелдіұлы және Арал аудандық ішкі саясат бөлімінің жетекші маманы Бекетов Күнбол тыңдап, тиісінше жауаптар берілді.

Алдағы уақытта осындай кездесулер жоспарға сәйкес тұрғындар арасында ұйымдастырылып отыратын болады.