Жедел желі қосылды
Облыстық "Жастар ресурстық орталығының" директоры Бауыржан Мәстеков пен орталық жанынан құрылған "Волонтерлар фронт офисінің" өкілдері облыстық экология департаментінің басшысы Марат Құрмановтың қабылдауында болды.
– Біз бірлесе жұмыс істеуді қолдаймыз, бұрын да бірге көптеген жұмыстар атқардық. Президент Қасым-Жомарт Тоқаев экология мәселесін жүйелі түрде шешуді тапсырды. Еліміз бойынша заңсыз қоқыс орындары бойынша жедел желі де іске қосылды, – деді департамент басшысы.
Келелі кездесуде еріктіліктің "Таза әлем" бағыты талқыланып, фронт-офис жетекшісі Болатбек Айтбенбетов бірлескен жобаларды қолға алуға шақырды. Өздеріңіз білетіндей, "Таза әлем" бағыты – қоршаған ортаны қорғау, өзен арнасын тазарту, ағаш отырғызып, қоқысты сұрыптауды көздейді. Табиғат сақшылары бұған дейін бұл бағытта бірқатар бастаманы жүзеге асырды. Ендігі мақсат – бұл мәселеге атүсті қарамай, әрбір азаматтың қоршаған ортаны қорғауға үлес қосуы.
