МИЛЛИОН КІМГЕ БҰЙЫРМАЙДЫ?

Ассалаумағалейкум, бағдарламамызға қош келдіңіз!
Салеметсиз бе?
Алдымен өзіңізді таныстырып өтсеңіз. Содан кейін бағдарламаның шартын түсіндіремін.
Менің есімім – Адиль. Алматы қаласында живу.
Мүмкін Әділ шығар?
Жоқ, ол как-то старомодно звучить етеді. Жасым – 27-де. Банкте жұмыс істеймін. Орыс мектебінде оқыдым. Одан кейін университетті Америкада окончил. Орыс және ағылшын тілін знаю в совершенстве. Зарубежный кітаптарды көп оқимын. Сондықтан бүгін өзіме уверенмын.
Түсінікті, Әділ. Кешіріңіз, Адиль. Біздің бағдарлама 5 деңгейден тұрады және сізге әртүрлі сұрақ қойылады. Әрбір дұрыс жауабыңызға белгілі мөлшерде қаражат жеңіп алуға мүмкіндігіңіз бар. Ал барлық деңгейден сүрінбей өтсеңіз, біздің жомарт демеушіміз дайындаған 1 млн. теңгеге қол жеткізесіз. Сондай-ақ, екі жеңілдігіңіз бар. Олар – досыңызға қоңырау шалу және көрерменнен көмек сұрау.
Хорошо.
Ондай болса, ойынымызды бастаймыз. Бір кісі найзағай жарқылдаған сайын шашын тарайды екен. Неге?
Мүмкін фотоға түсіріп жатыр деп ойлайтын шығар.
Дұрыс.
Рас па? Мен просто айта салып едім.
Суды елекпен қалай тасуға болады?
Мен бір немістің кітабынан оқығанмын. Бір бала мұзды елекпен тасығаны есімде.
Бұл жауабыңыз да дұрыс. Құттықтаймын! 400 000 теңге қалтаңызда.
Спасибо.
Үшінші сұрағымызға келсек. Адам нені бұзғанда қуанады?
Бұл қиындау екен. Менің братишкам жақында достарының арасында бір минуттың ішінде көп селфиге түсіп, рекорд обновил. Сейчас вспомнил, что «рекордты бұздым» деп қуанып жүгіргенін.
Әрине, жауабыңыз дұрыс. Адам рекорд бұзғанда қуанады. Көрермендер қолдап, қошемет көрсетейік. Енді құны 400 мың теңге болатын екі сұрақ қалды. Мына компьютерде әр түрлі саланы қамтыған оңай да, қиын да сұрақтар жинақталған. Алдыңыздағы қызыл батырманы басқаннан кейін, арнайы құрылғы ішінен кез келгенін таңдап береді.
Жақсы, понял.
Сұрақ: Абай Құанбайұлының қара сөздерінің саны қанша?
Шынымды айтсам, я не читаю қазақша. Мен бұл сұрақтың жауабын білмеймін, сондықтан көрерменнен помощь керек.
Құрметті көрермендер, алдарыңызда тұрған құрылғы арқылы сұрақтың жауабын жазуға рұқсат. Міне, көрермен жауап берді.Абай атамыз сіздей ұрпағына ешқашан мағынасын жоймайтын, даналыққа толы 45 қара сөзін қалдырған екен.
Мына кнопканы тағы басайын ба?
Бүгін маңдайыңызға миллион жеңу бақыты бұйыра ма, жоқ па?! Оны аз уақыттан кейін білеміз. Адиль мырза, толқып тұрған боларсыз?
Немножко.
Ондай болса батырманы басыңыз. Сұрақ: Қазақ тіліндегі «Көзді ашып-жұмғанша» деген тұрақты тіркестің мағынасы қандай? Мына құрылғы жанды жеріңізді байқап қалған секілді.
«Открыть и закрыть глаза» деген мигание ғой.
Жоқ, жауабыңыз қате. «Көзді ашып-жұмғанша» деген тіркес «жылдам» деген мағынаны білдіреді.