– Қош көрдік. Мен Ақмола облысы, Бурабай ауданы, №9 мектеп-гимназиясының 11 сынып оқушысымын. Қазақтың талай әншісі мен ақыны өлең арнап, ән жазған сұлу Көкше жеріненмін. Сыр бойына алғаш келуім. Сөз жоқ, мен сияқты болашақ тарихшы-археологтарға бұл сапар керемет әсер етті.

– Әрине, бұл менің бала кезгі арманым. Мектеп табалдырығын аттағалы аңыз бен тарихи әңгімелерді құмарта оқып, қызыға тыңдайтынмын. Жоғары сыныптарда Қазақстан тарихынан олимпиадаға қатысып, облыстан жүлделі болып жүрдім. Соңғы жетістігім – былтыр ғана республикалық олимпиададан екінші орынды жеңіп алдым. Алдағы мақсатым да сол. Жоғары оқу орнына түсіп, археолог болсам, тарихи жерлерді зерттесем деймін.

– Керемет! Айтпақшы, туған қалаларыңызға 200 жыл толуымен құттықтаймын! Ұйымдастырушылар бірінші күні қаланы аралатты. Қай
жеріне апарса да, сапар қызықты болды. Қорқыт ата атындағы оқу ордасында болдық. Тарихи-өлкетану мұражайындағы көптеген заттардың әрқайсысының жекелей тарихын жете түсініп шықтым десем де болады. Сосын Ә.Тәжібаев атындағы кітапханаға бардық, ондағы IT-PARK орталығымен таныстырды. Шыны керек, мұндай үлкен ғимаратта орналасқан тамаша кітапхана маған қатты ұнады.

– Ең ұнағаны, Қорқыт бабамыздың кесенесі. Мен осы жаққа шықпас бұрын, сіздердің облыс жайлы, ондағы тарихи орындар туралы кітаптан оқып, қатты әсерленгем. Ал, көзбен көрген тіпті керемет. Қатты қуандым. Бабамыздың кесенесі, ондағы қобыз үні, Ақсақ қыз хикаясы... Қазақ елінің, оның ішінде Сыр бойының тарихи ескерткіштерге бай екендігі жайлы кітаптан бөлек, тағы көзім жетті. Қазақстанның орта ғасырлар тарихындағы гүлденген Сығанақ қаласының орны ше?!  Сығанақ жайлы көп оқығам. Онда барғанда қала орнында әлі де зерттеу жүргізілу үстінде екенін естідік. Келешекте мен де осы тарихи орынның сырын ашуға үлес қосқым келеді. Ал, Байқоңырдағы Жұлдызды қалашық бізге, әсіресе төменгі сынып оқушыларына қатты ұнады. Аспан әлеміне апаратын алып кеменің өзін көру бізді сондай әсерлендірді.

– Маған да, менің сапарластарыма да Сыр еліне саяхат керемет ұнады деген пікірдемін. Жазық далада мұншама қызықты нәрселер бар деп мен басында ойламадым. Тарихты оқып-білген біз сияқты оқушыларға өте керек. Оларды көріп біз ата-бабамыздың өмір жолын түсініп, өз жерімізді, елімізді сүйіп өсуге үйренеміз. Отанымыздың тарихын білу, оны құрметтеу – әрбір азаматтың парызы. Осы саяхатқа келген әрбір ақмолалық оқушы көп пайдалы мәлімет алды деген ойдамын. Келушілердің атынан ұйымдастырушыларға көп рахмет айтамын. Елбасының «Рухани жаңғыру» бағдарламасының мән-маңызын толыққанды түсініп қалғандаймыз. Өз қаламызға барған соң, сіздер жайлы, қонақжай Қызылорда, тарихи Сыр елі туралы ұстаздар мен достарыма, ата-анама мақтанышпен айтатын болам.